ကုန်သွယ်ရေးဦးစီးဌာန
Wednesday Talk ဆွေးနွေးပွဲ
သတင်း (အပြည့်အစုံ)
၁။ စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ရုံးအမှတ် (၃) ညီလာခံခန်းမ၌ Wednesday Talk ဆွေးနွေးပွဲကို ၂၀၂၄ ခုနှစ်၊ ဇန်နဝါရီလ (၂၄) ရက်၊ နံနက် (၁၀:၀၀) နာရီမှ (၁၁:၄၅) နာရီအချိန်ထိကျင်းပပြုလုပ်ခဲ့ပါသည်။
၂။ Wednesday Talk ဆွေနွေးပွဲတွင် မြန်မာကုန်သွယ်မှုမြှင့်တင်ရေးအဖွဲ့မှ လက်ထောက် ညွှန်ကြားရေးမှူး၊ ဒေါ်ငယ်ငယ်ထွန်းက “စားသောက်ကုန်ထုတ်လုပ်သည့် လုပ်ငန်းများအတွက် ကိုးရီးယားနိုင်ငံမှ နည်းပညာအကြံဉာဏ်နှင့် အခက်အခဲများကူညီပေးခြင်း စီမံကိန်းဆောင်ရွက်မှု” ခေါင်းစဉ်ဖြင့် ဆွေးနွေးတင်ပြခဲ့ပါသည်။
၃။ ဆက်လက်၍ မူပိုင်ခွင့်ဦးစီးဌာန၊ ညွှန်ကြားရေးမှူးချုပ် ဒေါ်မိုးမိုးသွယ် နှင့် ကုန်သွယ်ရေးဦးစီး ဌာနမှ လက်ထောက်ညွှန်ကြားရေးမှူး ဒေါ်ဝင်းပပသူ တို့မှ ဖြည့်စွက်ဆွေးနွေးခဲ့ပြီး မြန်မာကုန် သွယ်မှုမြှင့်တင်ရေးအဖွဲ့မှ ဒုတိယညွှန်ကြားရေးမှူးချုပ် ဒေါက်တာထိန်လင်း က နိဂုံးချုပ်အမှာ စကားပြောကြားခဲ့ပါသည်။
၄။ ထို့နောက် မူပိုင်ခွင့်ဦးစီးဌာန၊ ညွှန်ကြားရေးမှူးချုပ်မှ Wednesday Talk ဆွေ:နွေးပွဲတွင် ဆွေးနွေးပြောကြားခဲ့သော လက်ထောက်ညွှန်ကြားရေးမှူး၊ ဒေါ်ငယ်ငယ်ထွန်းအား မူပိုင်ခွင့်ဦးစီးဌာန၊ ညွှန်ကြားရေးမှူးချုပ်မှ ဂုဏ်ပြုလက်ဆောင်ကို ပေးအပ်ချီးမြှင့်ခဲ့ပါသည်။
၅။ အဆိုပါ Wednesday Talk ဆွေးနွေးပွဲသို့ စားသုံးသူရေးရာဦးစီးဌာန ခေတ္တညွှန်ကြားရေးမှူးချုပ်၊ မူပိုင်ခွင့်ဦးစီးဌာန ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်၊ မြန်မာကုန်သွယ်မှုမြှင့်တင် ရေးအဖွဲ့ ဒုတိယညွှန်ကြားရေးမှူးချုပ်များ နှင့် အရာထမ်း၊ အမှုထမ်း စုစုပေါင်း (၁၇၂) ဦးတို့ တက် ရောက်ခဲ့ပါသည်။