မုံရွာမြို့နယ်၌ ကွမ်းဈေးနှုန်းများ ကျဆင်း၍ အရောင်းအဝယ်ဖြစ်လျက်ရှိ
စစ်ကိုင်းတိုင်းဒေသကြီး၊ မုံရွာမြို့နယ်၌ ကွမ်းကို မိမိတို့အိမ်ခြံဝင်းအတွင်း တစ်နိုင်တစ်ပိုင်အနေဖြင့်လည်းကောင်း၊ အပိုဝင်ငွေရရှိရန်အတွက်လည်းကောင်း စိုက်ပျိုးကြကြောင်း၊ ကွမ်းကို ဆောင်းစိုက်နှင့်မိုးစိုက်ဟူ၍ နှစ်မျိုးခွဲ၍ စိုက်ပျိုးကြရာ မိုးစိုက်သည် ပိုးကျလွယ်သည့်အတွက် အနည်းငယ်သာ စိုက်ပျိုးကြပြီး ဆောင်းစိုက်ကိုသာ ပိုမိုစိုက်ပျိုးကြကြောင်း သိရသည်။
မုံရွာမြို့နယ်၌ ဖြစ်ပေါ်နေသော ကွမ်းဈေးနှုန်းများအနေဖြင့် ဖေဖော်ဝါရီလ၊ တတိယပတ်တွင် ကွမ်းတစ်ပိဿာလျှင် အရည်အသွေးအပေါ် မူတည်၍ ငွေကျပ် ၆,၀၀၀-၉,၀၀၀ ဈေးနှုန်းများဖြင့် လည်းကောင်း၊ ဖေဖော်ဝါရီလနောက်ဆုံးပတ်တွင် ငွေကျပ် ၅,၀၀၀-၇,၀၀၀ ဈေးနှုန်းများဖြင့်လည်းကောင်း၊ မတ်လပထမပတ်တွင် ငွေကျပ် ၃,၀၀၀-၄,၀၀၀ ဈေးနှုန်းများဖြင့်လည်းကောင်း ရောင်းချလျက်ရှိကြောင်း၊ ဆောင်းအကုန်နွေအကူး နွေဦးရာသီအချိန်တွင် ကွမ်းအထွက်နှုန်းများတိုးလာပြီး ဈေးကွက်အတွင်း ကုန်ဝင်ရောက်မှုများပြားကာ ဈေးနှုန်းများကျဆင်း၍ အရောင်းအဝယ်ဖြစ်လျက် ရှိကြောင်း ကွမ်းစိုက်တောင်သူများထံမှ သိရှိရသည်။
DOCA (စစ်ကိုင်း)