နောက်ဆုံးရ သတင်း

နေပြည်တော်၊ ဧပြီ ၂၉ ရက်

နိုင်ငံတော်အနေဖြင့် နိုင်ငံ့စီးပွားရေးဖွံ့ဖြိုးတိုးတက်စေရန်အတွက် ပို့ကုန်မြှင့်တင်ရေးလုပ် ငန်းများကို အလေးပေးဆောင်ရွက်လျက်ရှိရာ အစိုးရ - ပုဂ္ဂလိက ပူးပေါင်းဆောင်ရွက်မှုအနေဖြင့် စီးပွားရေးနှင့် ကူးသန်းရောင်းဝယ်ရေးဝန်ကြီးဌာနနှင့် ပြည်ထောင်စုသမ္မတမြန်မာနိုင်ငံ ကုန်သည် များနှင့် စက်မှုလက်မှုလုပ်ငန်းရှင်များအသင်းချုပ် (UMFCCI) တို့ ပူးပေါင်းစီစဉ်၍ ပို့ကုန်တိုးမြှင့်ရေး လုပ်ငန်းများဆောင်ရွက်လျက်ရှိရာ ၂၀၂၄ ခုနှစ်၊ ဧပြီလ ၂၉ ရက်နေ့တွင် အလုံအပြည်ပြည်ဆိုင်ရာ ဆိပ်ကမ်းမှ Yangon International Gateway Terminal (YIGT) မှ ပြောင်းဖူးစေ့ တန်ချိန် ၉,၂၀၀  နှင့် မင်းထက်မင်းဆိပ်ကမ်းမှ ပြောင်းဖူးစေ့တန်ချိန် ၂,၇၀၀ တန်တင်ပို့ခဲ့သည်။

၎င်းအပြင် ၂၀၂၄ ခုနှစ်၊ ဧပြီလ ၂၉ ရက်နေ့တွင် ‌အေးရှားဝေါဆိပ်ကမ်း (AWPT-3)မှ သင်္ဘော တစ်စီးသို့ ရေထွက်ကုန်၊ ဆန်၊ ပဲ၊ များတင်ဆောင်လျက်ရှိပါသည်။ အလားတူအေးရှားဝေါဆိပ်ကမ်း (AWPT-3) နှင့် သီလဝါဆိပ်ကမ်း (Myanmar International Terminal Thilawa) တို့မှ  သင်္ဘော  ၃ စီးဖြင့် ရေထွက်ကုန်၊ ဆန်၊ ပဲ၊ ချုပ်ပြီးအထည်၊ သစ်တောထွက်၊ သကြား၊ နှမ်း၊ အထွေထွေကုန် ပစ္စည်းများ၊ ကုန်သေတ္တာအခွံ၊ ပြောင်း၊ ရော်ဘာတို့ တင်ဆောင်ထွက်ခွာသွားကြောင်း သိရသည်။

ထို့အပြင် ၂၀၂၄ ခုနှစ်၊ ဧပြီလ ၃၀ ရက်နေ့တွင် အလုံအပြည်ပြည်ဆိုင်ရာဆိပ်ကမ်း (AIPT-3) မှ ပြောင်းဖူးစေ့တန်ချိန် ၁၂၇,၀၀ တန်၊ မင်းထက်မင်းဆိပ်ကမ်းမှ ​ပြောင်းဖူး​စေ့ တန်ချိန် ၅,၄၀၀ တန်၊ ဆူးလေဆိပ်ကမ်းမှ ပြောင်းဖူးစေ့ တန်ချိန် ၄၄,၄၀၀ တန်  နှင့် ဆန်တန်ချိန် ၇,၅၀၀ တန်၊ မေလ ၁ ရက်နေ့တွင် ယခင်ဗိုလ်အောင်ကျော်ဆိပ်ကမ်း (The Myanmar Terminal -TMT 3) မှ ပြောင်းဖူး စေ့တန်ချိန် ၆,၀၅၀ တန်၊  ​မေလ ၃ရက်​နေ့တွင် ယခင်ဗိုလ်​အောင်​ကျော်ဆိပ်ကမ်း (The Myammar Terminal-TMT2) မှ​ပြောင်းဖူး​စေ့တန်ချိန် ၂၇,၅၀၀ တန်၊ Yangon International Gateway Terminal (YIGT) မှ ​ပြောင်းဖူး​စေ့တန်ချိန် ၉,၄၀၀ တန်နှင့် မေလ ၅ ရက်နေ့တွင် ဆူးလေဆိပ်ကမ်းမှ ပြောင်းဖူးစေ့တန်ချိန် ၂၇,၅၀၀ တန်၊ အလုံအပြည်ပြည်ဆိုင်ရာဆိပ်ကမ်း(AIPT-1)မှ ပြောင်းဖူးစေ့ တန်ချိန် ၂၇,၅၀၀ တန် ဆက်လက်တင်ပို့သွားမည် ဖြစ်ပါကြောင်း သတင်းရရှိသည်။  

နေပြည်တော်၊ ဧပြီ ၂၈        

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ပြည်ထောင်စုဝန်ကြီး ဦးထွန်းအုံသည် ယနေ့နံနက်ပိုင်းတွင် ရန်ကုန်တိုင်းဒေသကြီး၊ လှိုင်သာယာမြို့၊ စက်မှုဇုန်-၄ ရှိ ပြည်ဖြိုးအောင်ကုမ္ပဏီ၏ ပဲသန့်စင်စက်ရုံနှင့် နှမ်းလှော်စက်သို့ ရောက်ရှိ၍ ရှင်းလင်းဆောင်တွင် တာဝန်ရှိသူက ပဲသန့်စင်ထုတ်လုပ်နိုင်မှု၊ ပြည်တွင်း၌ သိုလှောင်ဖြန့်ဖြူးပေးနေမှု၊ ပြည်ပသို့ တင်ပို့ နိုင်မှုတို့အား ရှင်းလင်းတင်ပြပြီး ပြည်ထောင်စုဝန်ကြီးက ပြည်ပသို့ တိုးမြှင့်တင်ပို့နိုင်ရေး ဆောင်ရွက်ရန် မှာကြားပြီး စက်ရုံအတွင်း ကြည့််ရှုစစ်ဆေးကာ လိုအပ်သည်များကို ပေါင်းစပ် ဆောင်ရွက်ပေးခဲ့သည်။

ဆက်လက်၍ ပြည်ထောင်စုဝန်ကြီးနှင့်အဖွဲ့သည် ရန်ကုန်တိုင်းဒေသကြီး၊ ထန်းတပင်မြို့ နယ်၊ ရွှေပြည်သာတံတားအနီးရှိ မင်းထက်မင်းဆိပ်ကမ်း၊ ရွှေပြည်သာမြို့ရှိ ရွှေမဲဆိပ်ကမ်းနှင့် မုတ္တမဆိပ်ကမ်းတွင် ပြည်ပသို့ ကုန်ပစ္စည်းများတင်ပို့ရန် သင်္ဘောတင်နေမှု အခြေအနေများအား သွားရောက်ကြည့်ရှုစစ်ဆေးကာ တာဝန်ရှိသူများအား၏ ရှင်းလင်းတင်ပြမှုအပေါ် ပြည်ထောင်စု ဝန်ကြီးက ပို့ကုန်လုပ်ငန်းဆိုင်ရာ သက်မှတ်စည်းကမ်းချက်များနှင့် ကိုက်ညီမှုရှိစေရေးအတွက် ဌာန ဆိုင်ရာ One Stop Service (OSS) အဖွဲ့များမှ စနစ်တကျ စစ်ဆေးဆောင်ရွက်ရန်၊ ကုန်ပစ္စည်းများ အား အချိန်ကြန့်ကြာမှုမရှိစေပဲ သင်္ဘောတင်နိုင်ရေးဆောင်ရွက်ရန်၊ ပို့ကုန်ပစ္စည်းအရည်အသွေး ထိခိုက်ပျက်စီးမှုမဖြစ်စေရေး အလေးထားဆောင်ရွက်ရန်၊ ကုန်သွယ်မှုလျင်မြန်ချောမွေ့စေရေးနှင့် ကုန်ပစ္စည်းအမျိုးအစားနှင့်အရေအတွက် မှန်ကန်စေရေးဆောင်ရွက်ရန်၊ ပို့ကုန်လုပ်ထုံးလုပ်နည်း ဥပဒေနှင့်အညီ တင်ပို့နိုင်ရေးနှင့် လုပ်ငန်းခွင်ဘေးအန္တရာယ် ကင်းရှင်းစေရေးတို့ကို အလေးထား ဆောင်ရွက်ရန် မှာကြားခဲ့သည်။

ရန်ကုန်တိုင်းဒေသကြီး၊ ရွှေပြည်သာမြို့နယ်၌ တည်ဆောက်ထားသော ရွှေမဲဆိပ်ကမ်းနှင့် မုတ္တမဆိပ်ကမ်းတို့ကို အိမ်နီးချင်းနိုင်ငံများသို့ ပို့ကုန်တင်ပို့နိုင်သည့် အပြည်ပြည်ဆိုင်ရာ ကုန်တင် ကုန်ချဆိပ်ကမ်းအဖြစ် အကောက်ခွန်ဦးစီးဌာနမှ ၂၀၂၄ ခုနှစ်၊ ဧပြီလ ၂၄ ရက်နေ့မှစ၍ စတင်ခွင့်ပြု ခဲ့ပြီး အဆိုပါဆိပ်ကမ်းများမှ အိမ်နီးချင်းနိုင်ငံများသို့ Border Trade ပို့ကုန်လုပ်ငန်းများဆောင်ရွက် နိုင်ရေးအတွက် အကောက်ခွန်ဦးစီးဌာနအပါအဝင် ဌာနဆိုင်ရာပူး‌ပေါင်းအဖွဲ့ (One Stop Service -OSS) များက ဧပြီလ ၂၄ ရက်နေ့မှစ၍ တာဝန်ချထား စစ်ဆေးဆောင်ရွက်ပေးလျက်ရှိကြောင်းနှင့် ရန်ကုန်တိုင်း‌ဒေသကြီး၊ ထန်းတပင်မြို့နယ်ရှိ မင်းထက်မင်းဆိပ်ကမ်းမှာ ၂၀၂၄ ခုနှစ်၊ ဇန်နဝါရီလ ၁ ရက်က အပြည်ပြည်ဆိုင်ရာ ကုန်တင်ကုန်ချဆိပ်ကမ်းအဖြစ် ခွင့်ပြုဆောင်ရွက်ပေးခဲ့ကြောင်း သတင်းရရှိသည်။