စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ပြည်ထောင်စုနယ်မြေ(နေပြည်တော်) စစ်ကိုင်းနှင့် မန္တလေးမြို့များအတွင်း ဝန်ထမ်းအိမ်ရာများသို့ ဈေးကားများဖြင့် ကုန်မျိုးစုံများနှင့် ဟင်းသီးဟင်းရွက်များအား သက်သာသောဈေးနှုန်းများဖြင့် လှည့်လည်ရောင်းချပေးလျက်ရှိ
နေပြည်တော်၊ မေ ၁၂
စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မြန်မာနိုင်ငံကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် (UMFCCI)၊ မြန်မာနိုင်ငံ မွေးမြူရေးလုပ်ငန်းအဖွဲ့ချုပ်နှင့် မြန်မာနိုင်ငံ ငါးလုပ်ငန်းအဖွဲ့ချုပ်တို့၏ ပူးပေါင်းစီစဉ်မှုဖြင့် ဆန်၊ ဆီ၊ ဆား၊ ပဲ၊ ငါး၊ ငါးပိ၊ အမဲသား၊ ဆိတ်သား၊ ကြက်သား၊ ဝက်သား၊ ကြက်ဥ၊ ဘဲဥစသည့် ကုန်မျိုးစုံများနှင့်ဟင်းသီးဟင်းရွက်များအား ပြည်ထောင်စု နယ်မြေ(နေပြည်တော်) စစ်ကိုင်းနှင့် မန္တလေးမြို့များအတွင်း ငလျင်ဒဏ်သင့် ဝန်ထမ်းအိမ်ရာများသို့ ၂၀၂၅ ခုနှစ်၊ မတ် ၃၀ ရက်နေ့မှစ၍ အိမ်တိုင်ရာရောက် သွားရောက်ကာ သက်သာသော ဈေးနှုန်းများ ဖြင့် ရောင်းချပေးလျက်ရှိပြီး ယနေ့ မေလ ၁၂ ရက်နေ့တွင် လေးဆယ့်နှစ်ရက်နေ့မြောက်အဖြစ် ဈေးကားများဖြင့် လှည့်လည်ရောင်းချပေးလျက်ရှိကြောင်း သိရှိရပါသည်။
၂၀၂၅ ခုနှစ်၊ မေလ ၁၂ ရက်နေ့တွင် ဈေးကား(၈)စီးဖြင့် မြန်မာ့အလင်းသတင်းစာတိုက်၊ ကြေးမုံသတင်းစာတိုက်၊ ပြည်ထဲရေးဝန်ကြီးဌာန၊ အမျိုးသားပြတိုက်၊ အမျိုးသားမှတ်တမ်းများ မော်ကွန်းတိုက်ဦးစီးဌာန၊ ဒက္ခိဏသီရိ ခရိုင်နှင့် မြို့နယ်စုပေါင်းရုံးများ၊ ပို့ဆောင်ရေးနှင့်ဆက်သွယ်ရေး ဝန်ကြီးဌာန၊ ရုံးအမှတ် (၂) ရှိ ဝန်ထမ်းများနှင့် ပြည်သူများအား ဆန် ၆ ပြည်ပါ (မနောသုခ- Export Quality) ၇၅ အိတ်၊ ဆန် ၅ ပြည်ပါ (ဖျာပုံ ပေါ်ဆန်း) ၂၀ အိတ်၊ ဆီ ၁၇၆၀ ပိဿာ၊ ဆား ၁၄ ပိဿာ၊ ကုလားပဲ ၂၀ ကျပ်သားပါအိတ် ၇၀ ထုပ်၊ ငါးပိ ၃ ပိဿာ၊ ငါးတံခွန် ၁၀ ကျပ်သား ၃၀ ထုပ်၊ ငါးပုတ်သင် ၁၀ ကျပ်သား ၃၅ ထုပ်၊ ငါးနီတူခြောက် ၁၀ ကျပ်သား ၂၅ ထုပ်၊ အာဗြဲခြောက် ၁၀ ကျပ်သား ၃၀ ထုပ်၊ ငါးရောင်ခြောက် ၁၀ ကျပ်သား ၂၀ ထုပ်၊ ကြက်ဥ ၆၅၀ လုံး၊ ဘဲဥ ၁၀၀ လုံး၊ ခေါက်ဆွဲခြောက် ၁၈ ထုပ်တို့ကို ရောင်းချပေးခဲ့ကြောင်းနှင့် နေ့စဉ်ဆက်လက်ရောင်းချပေးသွားမည်ဖြစ်ကြောင်း သတင်း ရရှိပါသည်။
ထို့အတူ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ရန်ကုန်တိုင်းဒေသကြီးအစိုးရ အဖွဲ့တို့ ပူးပေါင်းစီစဉ်မှုဖြင့် အမဲသား ၃၀၀ ပိဿာ၊ ဆိတ်သား ၁၀၀ ပိဿာ၊ ကြက်သား ၂၀၀ ပိဿာ (အကောင်လိုက်အမွှေးနှုတ်ပြီး ၁၄၂ ကောင်)၊ ဝက်သား ၁၀၂ ပိဿာတို့ အား ဝဏ္ဏသိဒ္ဓိအားကစား ကွင်း Gold Camp၊ နိုင်ငံတော်စီမံအုပ်ချုပ်ရေးကောင်စီရုံး၊ နေပြည်တော်စည်ပင်ဝန်ထမ်းအိမ်ရာဝင်း အတွင်းရှိ ဝန်ထမ်းနှင့်ပြည်သူများသို့ ၂၀၂၅ ခုနှစ်၊ မေလ ၅ ရက်နေ့မှစ၍ အပတ်စဉ် တနင်္လာနေ့တိုင်း အိမ်တိုင်ရာရောက် သွားရောက်ကာ သက်သာသောဈေးနှုန်းများဖြင့် လှည့်လည်ရောင်းချ ပေးလျက်ရှိ ကြောင်း သိရှိရပါသည်။
ထို့အပြင် စီးပွားရေးနှင့်ကူးသန်းရောင်းဝယ်ရေးဝန်ကြီးဌာနနှင့် ပဲခူးတိုင်းဒေသကြီးအစိုးရအဖွဲ့ တို့ပူးပေါင်း၍ MSME ထုတ်ကုန်များ၊ လူသုံးကုန်များ၊ စားသောက်ကုန်များနှင့် မီးဖိုချောင်သုံးပစ္စည်းများ စသည့် ကုန်ပစ္စည်း ၁၀၇ မျိုးတို့ကို ပြည်ထောင်စုနယ်မြေ၊ နေပြည်တော်အတွင်း ငလျင်ဒဏ်သင့် ဝန်ထမ်းနှင့် ပြည်သူများသို့ ဈေးကားကြီး (အရောင်းယာဉ်) ဖြင့် ၂၀၂၅ ခုနှစ်၊ မေလ ၅ ရက်နေ့မှစ၍ သက်သာသောဈေးနှုန်းများဖြင့် လှည့်လည်ရောင်းချပေးလျက်ရှိပါသည်။
အလားတူ ၂၀၂၅ ခုနှစ်၊ မေလ ၁၂ ရက်နေ့တွင် စစ်ကိုင်းမြို့၌ ဈေးကားလေးစီးဖြင့် ရောင်းချ ပေးလျက်ရှိရာ ဆန် ၂၄ ပြည်ပါ(ရွှေဝါထွန်း) ၆ အိတ်၊ စားအုန်းဆီ ၇၅ ပိဿာ၊ ဆား ၃ ပိဿာ၊ ကုလားပဲ (၂၀) ကျပ်သားပါ ၉ ဘူး၊ ငါးပိ ၁ ပိဿာ၊ ငါးနီတူခြောက် ၁၀ ကျပ်သား ၁ ထုပ်၊ ပုစွန်ခြောက် ၃၀ ကျပ်သား ၊ ကြက်ဥ ၇၀ လုံး၊ ဘဲဥ ၁၉ လုံး၊ ကြက်သွန်နီ ၅ ပိဿာနှင့် အသားတု ၁ ပိဿာတို့ကို သက်သာသောဈေးနှုန်းများဖြင့် ရောင်းချပေးခဲ့ပြီး မန္တလေးမြို့တွင် ဈေးကားလေးစီးဖြင့် လှည့်လည် ရောင်းချပေးလျက်ရှိရာ ဆန် ၂၄ ပြည်ပါ (မနောသုခ) ၁၈ အိတ်၊ စားအုန်းဆီ ၂၂၀၀ ပိဿာ၊ ဆား ၃ ပိဿာ၊ ကုလားပဲ ၂၀ ကျပ်သားပါ ၆ ထုပ်၊ ငါးပိ ၂၅ ကျပ်သားပါ ၃ ထုပ်၊ ငါးနီတူခြောက် ၁၀ ကျပ်သား ၂ ထုပ်၊ အာဗြဲခြောက် ၁၀ ကျပ်သား ၃ ထုပ်၊ ကြက်ဥ ၂၃၄၀ လုံး၊ ဘဲဥ ၆၃၅ လုံးနှင့် ခေါက်ဆွဲခြောက် ၃၀ ထုပ်တို့ကို ရောင်းချပေးခဲ့ပြီး နေ့စဉ်ဆက်လက်ရောင်းချပေးသွားမည်ဖြစ်ကြောင်း သတင်းရရှိပါသည်။