COVID-19 Economic Relief Plan (CERP)၏ပန်းတိုင်များအနက် ပန်းတိုင် ၅.၁ (ဆန်းသစ်ထုတ်ကုန်များ မိတ်ဆက်ခြင်း) တွင်ပါဝင်သော လက်လီရောင်းချမှုဆိုင်ရာ ဖွံ့ဖြိုးတိုးတက် ရေးဆောင်ရွက်ရမည့်စီမံချက်များကို အကောင်အထည်ဖော်နိုင်စေရန် အတွက်လည်းကောင်း၊ ကိုဗစ်ကာလအတွင်းပြည်သူများ၏ဝယ်လိုအားကျဆင်းနေခြင်းကို ပြန်လည်ကောင်းမွန်လာရေး အထောက်အကူပြုနိုင်ရန်အတွက်လည်းကောင်း"လက်လီလက်ကားရောင်းချမှုဆိုင်ရာဖိုရမ်”ကို စီးပွားရေးနှင့်ကူးသန်းရောင်းဝယ်ရေးဝန်ကြီး ဌာန၊ ပြည်ထောင်စုသမ္မတမြန်မာနိုင်ငံကုန်သည်များနှင့်စက်မှုလက်မှုလုပ်ငန်းရှင်များအသင်းချုပ်နှင့် မြန်မာနိုင်ငံလက်လီရောင်းချသူများအသင်းတို့ပူးပေါင်း ၍ ၂၀၂၀ ပြည့်နှစ်၊ ဩဂုတ်လ ၁ ရက်နေ့တွင် ကျင်းပပြုလုပ်သွားမည်ဖြစ်ပါသည်။
အဆိုပါဖိုရမ်သို့ သက်ဆိုင်ရာအစိုးရဌာနဆိုင်ရာများ၊ ပြည်ထောင်စုသမ္မတ မြန်မာ နိုင်ငံ ကုန်သည်များနှင့်စက်မှုလက်မှု လုပ်ငန်းရှင်များအသင်းချုပ်နှင့်ညီနောင်အသင်းများ၊ တိုင်းဒေသကြီး၊ ပြည်နယ်များရှိလက်လီရောင်းချသူများအသင်းများ၊ လက်လီလက်ကားရောင်းချ ဖြန့်ဖြူးမှုကဏ္ဍ တွင်ဆက်နွယ်ဆောင်ရွက်နေသူများ၊ အခြားစိတ်ပါဝင်စားသူများအားလုံး ပါဝင်တက်ရောက်နိုင် ရေးအတွက် Zoom Webinar ကို အသုံးပြုကျင်းပပြုလုပ်သွား မည် ဖြစ်ပါသည်။
သို့ပါ၍ Zoom Webinar ဖြင့် ပါဝင်တက်ရောက်လိုသူများအနေဖြင့်၂၇-၇-၂၀၂၀ ရက်နေ့မှစတင်ပြီး အောက်ဖော်ပြပါ Registration Linkမှတစ်ဆင့် Online Registration Formကို ဖြည့်စွက်၍ စာရင်းပေးသွင်းတက်ရောက်နိုင်မည်ဖြစ်ပါကြောင်းနှင့် ပါဝင်တက်ရောက်မည့်သူဦးရေ ကန့်သတ်ထားပါသဖြင့် ဆောလျင်စွာစာရင်းပေးသွင်းနိုင်ပါရန် အသိပေးအကြောင်းကြားအပ်ပါ သည်။
ဖိုရမ်နှင့်ပတ်သက်၍ အသေးစိတ်သိရှိလိုပါက အောက်ဖော်ပြပါ အီးမေးလ်နှင့် ဖုန်းနံပါတ်များသို့ ဆက်သွယ်မေးမြန်းနိုင်ပါကြောင်း အသိပေးအပ်ပါသည်-
Email: [email protected]
Phone: 067-408319၊ 067-408414
Registration Link: https://us02web.zoom.us/webinar/register/WN_IkH6we8KRWCYSoR0cUf03g
လက်လီ၊လက်ကားရောင်းချမှုဆိုင်ရာဖိုရမ်အခမ်းအနားအစီအစဉ် ကို ပူးတွဲပါ PDF file တွင်ဖတ်ရှုနိုင်ပါသည်။
