ကံပိုင်တည်ကုန်သွယ်ရေးစခန်းမှ ၂၀၂၄-၂၀၂၅ ဘဏ္ဍာနှစ်၊ဇူလိုင်လကုန်သွယ်မှုလျာထား ချက်မှာပို့ကုန်(၄.၀၀၀)ဒေါ်လာသန်းနှင့် သွင်းကုန် (၁.၀၀၀) ဒေါ်လာသန်းဖြင့်စုစုပေါင်း (၅.၀၀၀) ဒေါ်လာသန်းဖြစ်ပြီး ဇူလိုင်လ(၂၂) ရက်နေ့ထိအမှန်ဆောင်ရွက်နိုင်မှုမှာ ပို့ကုန်(၀.၁၇၄) ဒေါ်လာ သန်း၊ သွင်းကုန်(၀.၄၈၈)ဒေါ်လာသန်း၊စုစုပေါင်း(၂.၁၇၃)ဒေါ်လာသန်းဖြစ်သဖြင့် ကုန်သွယ်မှုလျာ ထားချက်အပေါ် (၁၃.၂၄၀%)ဆောင်ရွက်နိုင်ခဲ့ပါသည်။
ဇူလိုင်လ(၂၂) ရက်နေ့ထိပို့ကုန်အမယ်များအနေဖြင့် တစ်သျှူးငှက်ပျော၊ကြက်သွန်နီ၊ ပဲမျိုးစုံတို့ိိတင်ပို့နိုင်ခဲ့ပါသည်။ သွင်းကုန်အမယ်များအနေဖြင့် လုပ်ငန်းသုံးပစ္စည်းများ၊ လူသုံးကုန် အဝတ်အထည်များ၊သစ်သီးများနှင့် စက်သုံးဆီများတင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်း၏ ၂၀၂၄ခုနှစ်၊ ဇူလိုင်(၂၁)ရက်မှ(2၂)ရက်နေ့အထိ ပို့ကုန် ပိုင်းတွင် အဓိက ပို့ကုန်ဖြစ်သည့် တစ်သျှူးငှက်ပျောတင်ပို့မှုအနေဖြင့် ဈေးနှုန်းတစ်တန်လျှင် (၂၅၃၀) ယွမ်/(၃၄၇)ဒေါ်လာတို့ဖြင့် တန်ချိန်(၁၅၀)တန်၊တန်ဖိုး(၀.၀၇၁) ဒေါ်လာသန်းနှင့် ပဲမျိုးစုံတန်ချိန် (၂၀၃) တန်၊ တန်ဖိုး (၀.၁၀၃) ဒေါ်လာသန်းတို့တင်ပို့နိုင်ခဲ့ပါသည်။
အများဆုံးသွင်းကုန်ပစ္စည်းများမှာ သံကြိုးခွေ၊ Hollow Pipe ၊ Iron Pipe၊ ကြွေပြား၊ လူသုံးအဝတ်အထည်များနှင့် စက်သုံးဆီပစ္စည်းများဖြစ်ပြီး လုပ်ငန်းသုံးပစ္စည်း ၃၉၃၀ BBL၊ တန်ဖိုး(၀.၄၆၅) ဒေါ်လာသန်းနှင့်လူသုံးကုန်ပစ္စည်း ၂၅၂၀၀ U၊ တန်ဖိုး (၀.၀၃၂)ဒေါ်လာသန်းတို့ တင်သွင်းနိုင်ခဲ့ပါသည်။
ကံပိုင်တည်ကုန်သွယ်ရေးစခန်းတွင် OSS အဖွဲ့ဝင်ဌာနများ၊ မိတ်ဖက်ဌာနများဖြင့် ကုန်ပစ္စည်း စစ်ဆေးမှုများကို ဆောင်ရွက်လျက်ရှိပြီး ကုန်သွယ်မှု လွယ်ကူမြန်ဆန်စေရေးနှင့် ပို့ကုန်တိုးမြှင့် တင်ပို့နိုင်ရေးကို အလေးထား ဆောင်ရွက်လျက်ရှိပါသည်။